100 meter dash mode

Naranasan mo na bang sumali sa isang 100 meter dash? Kung hindi pa, nakapanood ka na ba ng paligsahang ito? Anong mapapansin mo? Hindi ba’t bawat manlalaro ay nagmamadaling tumakbo para makarating sa finish line? Madalas, ganito din ang mga kabataan ngayon pagdating sa buhay pag-ibig, parang laging nasa karera—nagmamadali.  

Mayroon akong nakakwentuhang isang nanay. Sabi niya, 17 years old daw siya nung sila’y nagsama ng kanyang boyfriend. Apat ang kanilang naging anak. Ngunit ngayon, sila’y hiwalay na dahil sa biglaan pag-iwan sa kanila nung lalaki. Simula noon, hindi na ito nagpakita sa kanilang mag-iina. Kitang kita ko ang galit sa mga mata ng nanay na ito sa kanyang dating ka-partner. Sobra siyang nasaktan maging ang kanilang mga anak. Nakakalungkot ang ganung pangyayari. Siguro napa-isip din siya na sana hindi nalang sila nagmadali. Napakaraming ganitong cases na ang aking nakinig dahil sa pagmamadali ng magkasintahan.

Ang iba naman ay kung ano-ano pang ginagawa para lang magka-BF/GF. Minsan, si babae pa ang gumagawa ng first move. Si lalaki naman, dahil estudyante pa lang, humihingi pa ng panggastos sa magulang para lang makipag-date. Gusto nyo ba talaga ay agad-agad? Hindi ba pwedeng maghintay muna sa tamang panahon at tao na nilaan talaga ng Diyos?

Ito yung 100 meter dash equation: Rush in love = Severe Heartache. Sobrang dami ng puso na ang nagkasugat-sugat dahil sa pag-aapura ng pagbibigay ng emosyon sa isang tao na hindi muna sinuri at pinanalanging mabuti. Yung iba, alam na hindi pa naman talaga panahon, sugod pa din sa maling relasyon at emosyon. Maraming makukulit kaya tuloy nasasaktan at napapahamak.

Isa sa mga paborito kong love team sa Bibliya ay ang tambalang Jacob and Rachel (Genesis 29:1-30). Jacob waited 14 years for Rachel. Napakatagal nun. Kung hindi siguro wagas ang pag-ibig ni Jacob para kay Rachel, hindi siya maghihintay ng ganun. Love is patient (1 Cor. 13:4). Hindi ito nag-aapura.

Sa totoo lang, alam na naman ng marami kung anong magiging resulta ng padalus-dalos sa pag-ibig, sakit sa puso (emotionally speaking). Apektado din nito ang ating hinaharap. The Bible says, "Don't act thoughtlessly, but understand what the Lord wants you to do" (Ephesians 5:17). Huwag maging mang-mang. Kung alam na mali, huwag ng gawin. Kapag sinabi ng Diyos at ng mga magulang o spiritual leaders na huwag muna, huwag muna.

May tamang panahon din para sa love life. Ang challenge ay matutong maghintay, unang una, sa Panginoon. Grow in love with the Lord first. Huwag sayangin ang buhay sa mga bagay na alam nating tama pero mali naman talaga. But make the most of your time to fully serve God in love.

Tandaan, ang buhay pag-ibig ay hindi katulad ng 100 meter dash na kailangang dali-dali. Manalanging mabuti at pagbulay-bulayan ang Salita ng Diyos upang malaman ang Kanyang kalooban. Hindi madaling maghintay. Nevertheless, let your heart be still and just be excited to His perfect plan. Di na dapat mag-alala dahil lagi namang may tamang panahon ang Diyos sa lahat ng bagay. Trust Him. At kapag alam na Niya na handang handa ka na, He’ll give you the “GO” signal.